GEELPERSKE SPANSPEK KONFYT
my eie resep*
Die hoeveelhede maak so 790g (mayonnaise bottel) vol.
400g gesnyde ryp geelperskes
400g gesnyde spanspekblokkies
800g wit suiker
2 suurlemoene
1 blikkie grenadella
Sit jou vrugte in ‘n groot bak en gooi die suiker oor, laat staan oornag,
of tot suiker stroop getrek het. Rasper die skil van die
suurlemoene by die vrugte in, voeg die grenadella by en druk die sap van een
suurlemoen uit en voeg by.
Plaas op die stoof in groot kastrol en verhit stadig, roer af en toe tot suiker
heeltemal opgelos is, Kook dan die konfyt oor matige hitte, roer af en
toe, en skep skuim af indien nodig. Toets die stroop op ‘n koue piering,
en sodra dit ‘n lekker dik stroop het, (so ongeveer 45min) kan jy
dit bottel in voorbereide bottels.Kosmater *Lekker Resepte vir die Jongergeslag*
No comments:
Post a Comment