GEBOTTELDE DROëVRUGTESLAAI

Mare Nieuwoudt

GEBOTTELDE DROëVRUGTESLAAI: 

http://lekkerreseptevirdiejongergeslag.blogspot.co.za/2015/09/gebottelde-droevrugteslaai.html

[resep "Uit Sannie Smit se "Suid-Afrikaanse volkleur Kookboek"]
Die slaai sal ongeveer 'n jaar lank goed hou en uitstekend vir kampeervakansies.
6-8 porsies

BENODIG:
125 g van elk van die volgende droëvrugte:
appelkose,
pruimedante,
perskes en
sultanas.

KERRIESOUS:
Twee groot uie, in skywe gesny
'n toontjie knoffel, gekap,
15ml kookolie.
10 - 15 ml middelsterk kerrie,
5ml borrie,
7ml sout,
15 ml koekmeel
15ml gekapte vars gemmer, of 5ml fyn gemmer,
2ml gerasperde neut
2ml fyn naeltjies,
1 kaneelstokkie,
1 heel naeltjie,
n stukkie suurlemoenskil,
100 ml witasyn,
350 ml warm water.

MAAK SO:
Soteer ui en knoffel in verhitte kookolie.
Voeg kerrie, borrie by en braai 2minute om geur te verbeter.
Voeg res van speserye, koekmeel, asyn en warm water by.
Roer tot dik.
Voeg droëvrugte by en hou aan prut tot sag.
Laat droëvrugte in kerriesous koud word.
Skep verkoelde droevrugte in gesteriliseerde bottels en verseël.

(KOS VIR KAMPEERDERS)