VRIENDSKAPSBROODJIE

VRIENDSKAPSBROODJIE

NB GEBRUIK HOUTLEPEL OF PLASTIEKLEPEL om die plantjie te meng, en gebruik glas of plastiek houers om plantjie aan te maak. Moenie metaal naby die plantjie bring nie.

Om die”Herman plantjie”te begin:

Dag 1:

Los 1/2 teel kits droegis op in 2 eetl warm water. Meng by in plastiekbak: 1e wit suiker, 1e asyn, 1/2 t sout, 1k meel en 1k melk. Seel bak met glad wrap en laat staan vir 2 dae op’n WARM plek om te gis. Dit behoort te borrel.

Dag 2-4:

Roer elke oggend, maak toe en los.

Dag 5:

Plaas Herman in’n groter bak en voeg by: 1k meel, 1k suiker en 1k melk en roer goed deur.

Dag 6-9:

Roer Herman elke oggend, maak toe en los.

Dag 10:

Voeg by 1k suiker, 1k meel en 1 k melk en roer goed. Skep 3 kop uit die mengsel. Gee 1 kop elk aan 2 kennisse saam met die afskrif van die resep (behalwe dag 1 – die nuwe eienaar gaan van dag 1 tot 4 net roer). Hou ‘n koppie vir jouself, en bak jou broodjie met die oorblywende koppie. As daar nog oorbly, deel nog uit!!

Hoe om die koek/brood te bak: Meng die vlge bestandele saam:

2ml sout

200ml kookolie

1k suiker

1/2 t bakpoeier

2t vanilla essens

3 eiers

2k meel

1/2 t kaneel

2t koeksoda en

1/4k melk.

Meng goed en voeg nou een of 2 van die vlge by (opsioneel):

1k gekapte neute

1k rosyntjies

1k sultanas

1k vrugtekoekmengsel

1k klapper

1k gerasperde wortel

5 ryp fyngemaakte piesangs

1k gekapte appels

1k dadels

1k muesli

Plaas in’n gesmeerde koek- of broodpan. Bak 1uur op 160 grade.
http://lekkerreseptevirdiejongergeslag.blogspot.com/2014/01/vriendskapsbroodjie.html