GRIEKSE HERDERSPASTEI

'n Heerlike maaltyd. Uit Wenresepte 1, saamgestel deur Annette Human

GRIEKSE HERDERSPASTEI

Deur Arina du Plessis

Dié herderspastei bestaan uit ’n geurige maalvleisvulsel tussen twee lae kapokaartappels.

750 g aartappels

100 ml room of melk

1 eiergeel

Neutmuskaat, sout en peper na smaak

250 g beesmaalvleis

25 ml olie

2 uie, gekap

1 knoffelhuisie, gekneus

5 ml sout

Knippie peper

10 ml tamatiepasta

Knippie basiliekruid of roosmaryn

100 ml vleisaftreksel of rooiwyn

125 ml gerasperde cheddarkaas

Voorverhit die oond tot 200 °C en smeer ’n middelslag oondvaste bak. Skil die aartappels, kook in soutwater tot sag en druk fyn.

Voeg die room of melk, eiergeel, neutmuskaat, sout en peper by en klop tot goed gemeng. Braai die maalvleis in die olie tot droog.

Voeg die uie en knoffel by en braai tot sag. Voeg die sout, peper, tamatiepasta, basiliekruid of roosmaryn en aftreksel of wyn by, meng en kook ’n rukkie. Smeer die helfte van die kapokaartappels in die bak. Skep die vleismengsel bo-oor en bedek met die oorblywende kapokaartappels. Strooi die kaas oor en bak 20-30 minute. Lewer 4 porsies.
http://lekkerreseptevirdiejongergeslag.blogspot.com/2014/08/griekse-herderspastei.html