VINNIGE POST TOASTIETERT

VINNIGE POST  TOASTIETERT

Deur Arina du Plessis

Hierdie is 'n tert van Hetta van Deventer-Terblanche, een van die beoordelaars van die gewilde 

Kokkedoor 2.

Kors

60 ml botter

4 x 250 ml graanvlokkies, soos Post Toasties, fyngedruk

60 ml suiker

2,5 ml kaneel

Vlavulsel

500 ml melk

30 ml koekmeel

125 ml suiker

3 eiers, geskei

30 ml suiker (opsioneel)

Kors:

Smelt die botter, voeg die res van die bestanddele by en meng goed deur. Voer ’n tertpan daarmee uit – druk dit styf vas. Vulsel: Klits die melk, meel, suiker en eiergele goed saam. Verhit dit stadig in ’n swaarboomkastrol, terwyl jy aanhoudend roer.  Hou aan roer tot net verdik. Gooi in voorbereide graanvlokkiekors. Klits die eierwitte styf (met of sonder die suiker – my ma het nooit die eierwit versoet nie, wat gesorg het vir die lekker kontras met die soet vla). Smeer dit met ’n spatel so oor die vlamengsel dat dit oraloor puntjies vorm. Bak die tert in ’n matige oond (180 °C) tot die eierwit ligbruin is.
http://lekkerreseptevirdiejongergeslag.blogspot.com/2014/08/vinnige-post-toastietert.html